संवाददाता
विराटनगर । प्रमुख निर्वाचन आयुक्त दिनेश थपलियाले तोकिएको मिति बैशाख ३० गते स्थानीय तहको निर्वाचन तोकिएकै समयमा सफलतापूर्वक हुने दोहो¥याएका छन् । प्रदेश १ सरकारसँग निर्वाचन आयोगले मुख्यमन्त्री तथा मन्त्री परिषद कार्यालयमा गरेको कार्यक्रममा आयोगका प्रमुख आयुक्त थपलियाले निर्वाचनको लागि प्रदलेश सरकारको सहयोग हुने अपेक्षा रहेको बताए । प्रमुख आयुक्त थपलियाले आयोगले निर्वाचनको तयारी द्रुतगतिमा गरिरहेकाले तोकिएको समयमा निर्वाचन नहुनेमा भन्ने बिषय सोच्न पनि नसकिने बताए । प्रमुख आयुक्त थपलियाले केही जिल्लाको मतपत्र छपाईका कामसमेत सम्पन्न भई सम्बन्धित जिल्लामा ढुवानीसमेत हुन थालेका जानकारी दिए ।
कर्मचारीलाई कुनै पनि राजनीतिक दलको समर्थन वा विरोधमा सार्वजनिक धारणा सार्बजनिक गर्न नदिईने बताए । ‘कुनै अमुक दलको समर्थन वा विरोध गरे त्यो निर्वाचन आचारसंहिता विपरित हुन्छ, उनले भने, निर्वाचन आचार संहित विपरितका कार्य भए आयोगले तत्काल कार्वाही गर्छ ।’
प्रदेश नम्बर १ का मुख्यमन्त्री राजेन्द्रकुमार राईले बैशाख ३० गते हुने स्थानीय तहको निर्वाचन सम्पन्न गर्न प्रदेश सरकारका तर्फबाट सक्दो सहयोग गर्ने प्रतिवद्धता जनाएका छन् । मुख्यमन्त्री तथा मन्त्रिपरिषद्को कार्यालयमा निर्वाचन आयोगले आयोजना गरेको कार्यक्रममा बोल्दै मुख्यमन्त्री राईले प्रदेश सरकारले आगामी निर्वाचनलाई आफ्नो कर्तव्य र जिम्मेवारी ठानेर सहयोग गर्ने बताएका हुन् । ‘निर्वाचन सम्पन्न गर्न आफ्नो हैसियत र क्षमताले भ्याएसम्म सहयोग गर्छौं,’ मुख्यमन्त्री राईले भने । प्रदेश १ सरकारका प्रमुख सचिव डा. रामप्रसाद घिमिरेले निर्वाचन सम्पन्न गर्नका लागि आयोगले दिने जुनसुकै जिम्मेवारी पूरा गर्न प्रदेश सरकार र कर्मचारी संयन्त्र प्रतिवद्ध रहेको बताए ।
यहाँ कमेन्ट गर्नुहोस्
